Société

Kisangani : mboka molili lokola zamba, lotiliki ya malonga e zali te

Lotiliki na engumba Kisangani e komi matata lokola mayi na kati ya esobe, bisika mingi na kati ya engumba bi zangi lotiliki, mpe molili e komi lokola ya ngonda.

Ba konzi ya SNEL ba oyo ba tali makambo yango, ba zali kaka ko zongela maloba na bango ya ko loba ete esika oyo e bimisaka lotiliki oyo bako bengaka na lokota ya lifalase « centrale hydroélectrique » ya Tshopo, e sili ko kufa, pamba te e sali mingi uta mbula koto yoko kama libwa tuku mitano na misato (1953), mpe e zali lisusu ko pesa lotiliki ko kokana na bosenga ya engumba mobimba te.

Likambo oyo e tungisi ba fandi ya engumba Kisangani, mingi mingi ba oyo ba zali ko sala mimbongo ya masanga malili, miliki…. mpe lisusu ba panzi sango, pamba te lolaka mpo e sala e sengeli lotiliki e zala.

Toko sosolisa ete uta mikolo ebele SNEL e silaki ko kabola mikolo ya ko pesa lotiliki na mboka, ko banda mikolo ya yambo, kino ya mitano, bobele etando ya Makiso nde ba zwaka lotiliki, mpe bitando misusu mikolo mwa poso mpe mwa lomingo, kasi ata mabongisi mana ma zali lisusu ko tosama te.

To simba ete na mbula oyo engumba eko yamba bapaya minene mpo na milulu ya mineyi ya makambo ma tali industrie, wapi mokonzi mwa mboka Felix Tshisekedi ako zala, kasi soki molili eko koba na motindo oyo, eko sala soni na engumba Kisangani oyo to ko lobaka e leki poto.

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s

%d blogueurs aiment cette page :